جريدة النور

أحمد صبرى ضابط علم الجميع معني الإنسانية

الضابط احمد صبري
حسام حلمي -

ضابط شرطة مصرى جاءه امر بالقيام بتنفيذ حكم اخلاء سكن فجمع قوته وتوجه للمنزل المراد اخلاؤه ففتح له الباب رجل عجوز كهل لا يكاد يمشى دخل الضابط السكن ووجده لايحتوى سوى على بعض الاشياء القليلة جدا جدا فسأل العجوز من يعيش معك فقال لا احد اسكن لحالى وسأله لماذا لم تسدد الايجار فقال معاشى ضئيل جدا وعلاجى ياخذ اغلبه ولا يتبقى لى سوى القليل الذى اعيش به وقمت ببيع اغلب الاثاث لاكمل الدواء وطلبت من المالك ان يمهلنى حتى استطيع ان ادفع فليس لى مأوى سوى هنا ولا اتحمل برد الشارع .

نظر الضابط له وتكاد دموعه تنزل من عينيه لهذا المنظر فسأله العجوز انت يابيه جئت ترمينى فى الشارع فابتسم الضابط المصرى الاصيل والدموع فى عينيه مين قال كده انا جاى انا واللى معايا نسأل ونطمن على صحتك فقال له ربنا يباركلكم يارب والله تعبان اوى يابيه والاسعار ولعت ومبقدرش اجيب الدواء كله قاله ما احنا سمعنا كده وجينا علشان نوديك المستشفى الاسعاف فى الطريق وقام الضابط المصرى الاصيل بطلب الاسعاف وتوجه للمالك وقله هوه عليه كام قاله 1900 جنيه قاله اعمل مخالصه وهتاخد فلوسك واعمل ايصال بستة شهور مقدم وشوف كام حسابك.

وصلت الاسعاف وجابو كرسى متحرك وقاموا بوضعه وحمله لسيارة الاسعاف وتوجه للمستشفى وتم الكشف الطبى عليه وقام بصرف كل ما يحتاجه من علاج من صيدلية المستشفى وطبيب كريم قام باحضار بعض الادوية الغير متوفرة من الخارج وحمله الضابط فى عربة الشرطة ورجع به للبيت وقال له نصف ساعة وراجع واحضر المبلغ واخذ الايصالات وتنازل صاحب العقار .

وهم بالخروج فناداه العجوز هتيجى تزورنى تانى يابيه قاله طبعا واخرج ورقه وكتب ارقامه وقال له وده رقمى لو احتجتنى رن عليا وانا كل اسبوع هاجى ازورك ذهب لينفذ قرار المحكمة وكأن الله ساقه لهذا العجوز الف تحية وشكر وعرفان لابن مصر البار الضابط /احمد صبرى وكثر الله من امثاله.