تريند
بقلم: محمد ابراهيم درويش
الخوف بيولد حبة خوف
راضعين رعشة
والارض ان حبلت زرع ضعيف
هتجيب قشة
و في ناس جنبنا موتها ترندات
واحنا ترندنا جاي بمقشة
او كيس كراتيه
معقول دول يعني ولاد ملكات
يا سعادة البيه؟
جنبنا اطفال
بتخوف وحش بكام طوبة
واحنا اللي حياتنا دي مقلوبة
على اسم السَلَطَات فـ المطعم
معقولة في ناس
على ريحة الذل بتستطعم؟
دا انا ابويا غلبهم كان صايم
وبحبة مية تشق ايديه خطين برليف
وانا اعيش نايم
و أبيع لحمي عشان اجيب لي رغيف
دا الاسم رجال ويانا مظلوم
ويا عيب الشوم
على ناس بتصوم
واذا جت تفطر
على لحم العري بتتعشى
د انا اموت صايم ولا ادوق الخوف
وانا عمري ما اخاف
دا الخوف ان مس الزرع ف يوم
يطرح رعشة