الكرامة أساس القوة الداخلية ✨ ... بقلم شيماء عبد الستار
الكرامة مش مجرد كلمة نقولها وقت الغضب أو الخلاف، دي أساس شخصيتنا، وهي اللي بتحدد قيمتنا قدام نفسنا قبل أي حد تاني. الإنسان اللي بيحافظ على كرامته، حتى لو خسر أشخاص، عمره ما يخسر نفسه.
في التنمية البشرية، أول خطوة لتطوير الذات هي احترام النفس. وده مش هييجي إلا لما نعرف إننا نستاهل معاملة كويسة، ونرفض أي حاجة تهيننا أو تخلينا نقلل من نفسنا.
الكرامة مش كبرياء، الكرامة وعي.
الكرامة مش عناد، الكرامة حدود.
الكرامة مش إنك تعيش لوحدك، الكرامة إنك تختار مين يستاهل يدخل حياتك.
لما نحط كرامتنا قدام عينينا، بنوصل لمرحلة رضا داخلي، وساعتها أي دعم أو حب من الناس بيبقى إضافة مش حاجة نعتمد عليها.
???? التنمية البشرية بتقول: “اللي يسيبك عشان كرامتك، ما كانش يستاهل وجودك من البداية.”
خلي كرامتك سلاحك، وخلي ثقتك في نفسك طريقك.
اللي يبعدك عن الكرامة، بيبعدك عن إنك تكون إنسان كامل.