• الرئيسية
• رياضة

دكتور عصام عبد السلام يرصد ويحلل:

*تجربة المدير الرياضي في كرة القدم المصرية.. جون إدوارد كنموذج للنجاح والتحديات*

بقالنا سنين بنتكلم عن "الاحتراف" في الكورة المصرية، وأهم خطوة في طريق الاحتراف هي فصل الأدوار. ومن أهم الأدوار اللي بدأت تظهر عندنا بقوة هي *وظيفة المدير الرياضي*.

أولاّ: يعني إيه مدير رياضي؟*

في الأندية العالمية المدير الرياضي هو "عقل النادي الكروي". مش مدرب ولا رئيس. هو المسؤول عن:

- *الاستراتيجية*: خطة 3 و 5 سنين للفريق

- *التعاقدات*: بالتنسيق مع الكشافين والمدرب

- *هيكلة القطاع*: من الناشئين للفريق الأول

- *إدارة الأزمات*: وحماية المدرب والإدارة من ضغوط الإعلام

أمثلة: مايكل إدواردز في ليفربول، تيكسكي بيجيريستين في مان سيتي، مونشي في إشبيلية.

*ثانياّ: جون إدوارد.. النموذج المصري*

جون إدوارد كان من أوائل اللي طبقوا الدور ده بشكل واضح في مصر مع الزمالك.

*ما له:*

1. *رؤية تعاقدية واضحة*: اشتغل على صفقات مدروسة باحتياجات فنية مش أسماء وبس.

2. *فصل بين الإدارة والفني*: وفر حماية للمدرب وخلى فيه شخص واحد مسؤول قدام الجمهور عن الملف الكروي.

3. *تطوير ملف الكشافة*: بدأ يبني قاعدة بيانات للاعبين وبدأ يبص برا مصر.

4. *احترافية في التفاوض*: قلل من "تسريب" أخبار الصفقات وبقى فيه غموض احترافي.

*ما عليه والتحديات:*

1. *ثقافة التدخل*: لسه ثقافة "كله بيتدخل في كله" موجودة. المدير الرياضي في مصر بيتصدم بلجان وتعيينات وقرارات فوقيه.

2. *نقص الصلاحيات*: في أوروبا المدير الرياضي هو اللي بيمشي المدرب. هنا لسه القرار الأخير مش في إيده 100%.

3. *الضغط الجماهيري والإعلامي*: الجمهور المصري عايز نتيجة امبارح. مفيش صبر على "مشروع" 3 سنين.

4. *البنية التحتية*: مفيش قطاع ناشئين وكشافة بنفس قوة أوروبا اللي تسند شغل المدير الرياضي.

*ثالثاّ: إيه اللي نستفيده مستقبلاً؟*

عشان التجربة دي تنجح في الأندية الكبرى في مصر لازم:

1. *صلاحيات كاملة وواضحة*: عقد مكتوب بمهام المدير الرياضي ومحدش يتخطاه.

2. *استمرارية*: مانغيرش المدير الرياضي مع كل خسارة. المشروع عايز 3 سنين أقل حاجة.

3. *دعم من مجلس الإدارة*: يحميه من الإعلام ويمنع تدخل أعضاء المجلس في الصفقات.

4. *بناء منظومة*: مدير رياضي + كشافين + محللين أداء + أكاديمية. ماينفعش شخص واحد.

أخيراّ:

تجربة جون إدوارد أثبتت إن فكرة المدير الرياضي تنفع في مصر وتعمل فرق. بس عشان نستفيد منها لازم نديها "بيئة صح".

الكورة العالمية سبقتنا بـ20 سنة في النقطة دي. لو عايزين ننافس أفريقياً وعالمياً يبقى لازم نحترم التخصص.

المدير الرياضي مش رفاهية.. هو بقى ضرورة.