نصائح بسيطة لتغذية صحية ومفيدة
بقلم هدير عصام حسن
نصائح تغذية هامة لنمط غذائي صحي يقى من الإصابة بالأمراض والعادات الغذائية السيئة سبب رئيسي في انتشار العديد من الأمراض ومنها الأورام حفظنا الله وإياكم من الامراض
وإليكم بعض النصائح التي تحفظ عليكم صحتكم وتحميكم من الأمراض بإذن الله
١- جوع كتير ... صوم ... الجسم بعد صيام مدة طويلة بياكل الخلايا المتحورة ...
٢- قلل سكرك علي قد ما تقدر ... العادة خلتنا ننسي طعم الحاجة وبنشرب وبناكل سكر لأن الخلايا السرطانية بتتغذي علي السكر ٠٠٠
٣- حاولوا علي قد ماتقدروا ما تاكلوش برة نهائيا ..اعملوا اكل برة جوة البيت.. علي قد ماتقدروا.
٤- كلوا فاكهة .. كلوا خضار كتير.. اغسلوهم كويس بالمياه والخل .
٥- إشرب ميه نضيفة معدنية من شركة محترمة او فلتر كويس وتابع صيانته بإستمرار.
٦- حاولوا علي قد ماتقدروا تقللوا استخدام الميكروييف ...خلوا اكلكم طازة احسن.
٧- الزيت اللي تقلوا بيه مرة ارموه .. وماتستخدمهوش تاني.. خليكوا كرماء مع اهل بيتكم ونفسكم. وبالله عليكوا ماتحطوش البطاطس والطعمية المقلية علي ورق .. هاتوا مناديل.
٨- لو بتدخن ..بطل دلوقتي .. ولو مش بتدخن احمد ربنا علي النعمة دي وحافظ عليها.
٩- لو بتقدر تجري اجري... لومش بتقدر امشي كتير.. روح جيم ..العب تمارين في البيت ..الحياة حركة.
١٠- نام كويس خالص.. نام كتير .. نام بدري.
١١- متشربش عصير معلب ابدا ..اعملوا عصير فريش اشربوه انتم وأولادكم .
١٢- بلاش مياه غازية بالله عليكم ..تخلصوا من العادة دي فورا .. مش هتستفيدوا حاجة وهتخسروا كتير.
١٣- ماتحطوش الفتلة ولا الكيس بتاع الشاي في المية السخنة .. فضوها جوة المج وضيفوا عليها المية السخنة.
١٤- اوعوا تشربوا حاجة سخنة في كباية بلاستيك .. البلاستيك بيتفاعل مع الميةالسخنة والنتيجة مش هترضيكم .. الموضوع منتشر جدا في القطار و المواصلات والمؤتمرات.
١٥- إشرب قهوة .. بلاش نسكافية..بلاش كريمر.. انت مش عارف تصنيعه ازاي.
١٦- لو معدتك مفيهاش مشاكل.. إبلع قرصين ثوم كل يوم.. أو على كوب زبادي ..الثوم من مضادات الأكسدة ومضاد لنمو الميكروبات القوية جدا.
١٧- ماتحطوش المياة في الثلاجة في زجاجات بلاستيك .. حطوها في زجاج .. ولو مفيش اتأكدوا ان رقم 5 مرسوم علي البلاستيك ..ده اكتر بلاستيك آمن.
١٨- ابعدوا عن اللحوم المصنعة خالص..سوسيس .. برجر .. لانشون .. بسطرمة.. ولحمة مفرومة ..
هاتوا لحمة من الجزار وخلوه يفرمها ومنها يتم عمل الهامبورجر والسوسيس بدون مواد مضافة ضارة
١٩- حاولوا ماتاكلوش بعد المغرب اكلات ثقيلة .. التمثيل الغذائي بيقل بالليل ..كلوا فاكهة .. كلوا زبادي .. كلوا جبنة قريش
إستمتعوا بالأكل والشرب.. بس كلوا اكل صحي وإشربوا شراب صحي .
٢٠- الليمونة الدافئة يمكنها انقاذك طول حياتك.
# يستطيع الليمون الحار ان يقتل الخلايا السرطانية!
اقطع الليمونة الى ثلاثة قطع وضعها في كوب ثم أسكب الماء الحار ، فستصبح (مياه قلوية )اشربوها يومياً وستفيد أي شخص قطعاً ..
الليمون الحار يستطيع اطلاق مادة حلوة مُرَّه مضادة لخلايا السرطان ، وهي آخر بحث و تطوير لعلاج فعال للسرطان في المجال الطبي.
# لعصير الليمون الحار تأثير على الاورام والاكياس السرطانية ..
العلاج بواسطة هذا المستخلص سيقوم فقط بتدمير الخلايا الخبيثة ولن يؤثر على الخلايا السليمة..
ثانياً : الاحماض و احادي حمض الكربوليك في عصير الليمون يمكن ان تنظم ارتفاع ضغط الدم وتحمي من ضيق الشرايين ، ضبط الدورة الدموية ، و تقلل تجلط الدم .
مع تحيات استشارى التغذية العلاجية والسمنة والنحافة والتجميل وهيلث كوتشن