الحمد لله انه ظهر متأخرا مع قدوم الصيف
أتمنى أن تكون هناك شفافيه فى التعامل مع الحقائق بدون اخفاء حتى نتمكن من الوقايه من هذا الوباء الذى يضرب العالم أجمع.
خلال الـ٢٤ ساعة الأخيرة فرنسا أعلنت عن استقبال ١٣ مصاب بڤيرس كورونا قادمين من مصر.. وكذلك الصحة المصرية نفسها أعلنت اكتشاف ١٢ مصاب بكورونا في الاقصر وأسوان.. شوفوا بقى الـ١٢ دول اختلطوا مع كام واحد وتعاملوا مع كام إنسان.. دا غير اللي أعلنته كندا وتايوان وغيرهم عن استقبال مصابين قادمين من مصر!!
ياريت الناس اللي قرفونا بشعارات مصر محمية من الله ومصر لا يدخلها الوباء يسكتوا.. واللي مش فالحين غير في تسييس الموضوع واتهام كل من يطالب بالشفافية بالخيانة والمطالبة بتطوير منظومة الصحة إنه ممول وضمن لجنة إلكترونية وياريت يخرسوا ويعرفوا إنهم بسكوتهم واستهبالهم بيخونوا وطن كامل وبيتسببوا في كوارث لا حصر لها.. واعرفوا إن حتى لو في تعتيم صحفي وإعلامي فى غير صالح البلد.. ولكن مش هتقدروا تمنعوا الملكين يسجلوا ذنوب تواطؤكم وتخاذلكم ومشاركتكم المباشرة وغير المباشرة في هلاك أرواح لا ذنب لها إلا إنكم بتحاولوا بشتى الطرق تمنعوا عنهم الشفافية والمعلومة والنصيحة لوجه الله اقوله ولا اخشى فى الله لومة لائم.
للأسف د/هالة زايد أضعف من تولى وزارة صحة في مصر بعد حاتم الجبلي.. منظومة صحة غير صحية واللي بيدخل مستشفى مش بيلاقي دكتور واحد عليه القيمة.. كله طلبة امتياز وبالكتير ممارس عام والمريض يعانى في الاستقبال بسبب عدم توافر مستلزمات طبية ولا إسعافات أولية ولا ولا ولا.. وعاااارف إن كل دا سببه الأزمة الاقتصادية اللي دخلنا فيها بالتعويم وقروض البنك الدولي ووو ولكن برده الوزيرة مسؤولة بصفتها المهنية..مع ان الوزيرة لها تاريخ محترم في إدارة وتطوير أكاديمية مستشفى ٥٧٣٥٧ وغيرها من مراكز بحثية طبية علمية محترمة.
أتمنى من الجميع التعاون حتى نتخلص من هذا الوباء الذى يضرب العالم أجمع في وقت قصير والحمد لله ان فصل الشتاء انتهي وقادم الصيف الذى سيقتله لا قلق على بلدنا باذن اللة تعالى