بمناسبة عيد الحب.. تامر حسني يطرح أغنيته الجديدة 30 حياة
طرح الفنان تامر حسني مساء اليوم، أغنيته الجديدة التي تحمل اسم '30 حياة'، تزامنا مع عيد الحب، وذلك عبر قناته الرسمية على موقع الفيديوهات الشهير يوتيوب.
أغنية 30 حياة من إخراج تامر حسني وكلماته بالتعاون مع مؤمن راجح، الحان : مودي منير، توزيع : كريم أسامه، إنتاج TH Production حسام حسني .
وكان الفنان تامر حسني أعلن اليوم عن مفاجأة لجمهوره بمناسبة عيد الحب، وذلك عبر حسابه الشخصي على موقع التدوينات القصيرة إكس.
وقال تامر: 'نهار جميل عالكل، كل يوم حب وانتوا طيبين، الحقيقة من يوم ظهوري و أنا بحاول أقدم أصوات جديده ليكم على مدار رحلتى، النهاردة بقدم صوت مطربة بأغنية ديو معايا أغنيه تبدأ بيها رحلتها الخاصة مع الجمهور المصري والعربي بشكل إحترافي في مشوار النجاح ، هي صوت من وجهة نظري من أهم الأصوات العربية اللي فيها احساس و تمكن و خامة صوت خاصة ، و ان شاء الله هيكون ليها مستقبل كبير في عالم الأصوات النسائية في فترة قليلة'.
وتابع تامر:'وادي برضو أغنية تحبوا عليها في أيام الحب بدل اللي أنا عاملة فيكم من أحزان من أول الشتا، مكمل رحلتي معاكم في اكتشاف نجوم جديدة للمستقبل و كل فترة هقدم صوت عربي جديد من مصر أو من جميع انحاء الوطن العربي، انتظروا ، كليب أغنية (( ٣٠ حياة )) من البوم هرمون السعادة اليوم ان شاء الله الساعه ٦ مساءً'.
وتقول كلمات الأغنية إنتي الوحيده اللي عارفه مفتاح قلبي فين
وإنت اللي لو قربلي هم بتبعده
بتحسي بيا في أي وقت بكون حزين
طب ما إنت قلبي في عز زعله بتسعده 2x
إنتي الحياه بالنسبه ليا واللي فيها
مش عايزه أعيش لو ثواني مش هشوفك فيها
خد مني عمري يارب كله وإديها
وأنا لو هعيش ٣٠ حياه هفديك بيها 2x
جنبِك أنا بقيت حد تاني أنا معرفوش
وأنا حبيت كل حاجه أولها معاك
بعلنها للعالم وإنتي بين إيديا
إنك هدية ربنا يا حبيبتي ليا
إنتي الحياه بالنسبه ليا واللي فيها
مش عايزه أعيش لو ثواني مش هشوفك فيها
خد مني عمري يارب كله وإديها
وأنا لو هعيش 30 حياه هفديك بيها 2x
