• الرئيسية
• الفن

ماشـي وبـ اشد الخـطوة من جـوف الطريق
والجــو متعـافي على حضـن الونـس بالبرد
والقد صابه من الزمن أعراض جفاف الريق
وزني اللي خف من الوجـع
قـلبي اللي جف من الهـوى
رمشى اللي رف من الفراق
حــلمي اللي عايش واتكوى
روحـي اللي خســرت في الســـباق
واللي وصـــل خط النهاية الاشتياق
الجو ليل قافل حـــدود الممكـنات
الليل طويل وكأن شط نهاري مات
وعينيا كانت للأسف بايعة الدمـوع
ماقـدرتـش أبـكي عـلى النهـار
لفيت دواير جوة دايرة الانهيار
ووصلت تاني للسبق
مـش فارقـة عــندى
مين وقـع ولا مين سبق
حتى المكان ميهمنيش
لو بطن حوت
أو حتى راجع من "ســبأ"
يا كل حلم فارقني يوم
إنده عليا ودلني عـ السكة فين
الدايرة قسمت دايرتي
على دايرتين
ما لا نهـاية ماتنتهـيش
إنده يا حلم وشدني وارمي لي طوق
ممكن اموت وانا راسي فوق
ولا اني اعيش وأفضل غريق.