أطالب القيادة السياسية..بتطهير الرياضه المصرية .. بقلم الكاتب الصحفي محمد حلمي
بعض البرامج، ومنها برنامج «اللعيب» بتاع مهيب، ملوش أي لزمه، على رأي الناقد الرياضي راجح الزميل الصديق المخلص، والدنيا كلها عندهم أهلي وزمالك، وشغل مكايدة وتلقيح وتشكيك في الآخر.
البرنامج عبارة عن ناس قاعدين يرغوا مع بعض، ومعلومات كلها غلط في غلط، للأسف الشديد إعلام وبرامج بلا طعم أو لون أو رائحة. هو أي حاجة وخلاص، وهات وادي. بصراحة حاجة مسخرة وسمجة أوي أوي، وبرنامج هابط ولا يمت للإعلام بأي صلة.
وهم من أسباب تأخرنا في أغلب الألعاب، ولولا بعض المخلصين من رموز الرياضة، وستر ربنا، وحب الشعب المصري للألعاب الجماعية، وفي مقدمتها كرة القدم.
أتمنى من القيادة السياسية أن تُطهِّر منظومة الرياضة المصرية من الفاسدين والشلة التي لا تهتم بالكفاءات، وتُقدِّم عليهم الموالين لهم والذين يحملون لهم الشنط!؟
وعجبي.