• الرئيسية
• الفن

بقلم منى فهمي

واسم منقوش ب النحاس
وايات من الذكر الحكيم
"قل اعوذ ب رب الناس"
والراديو بيوزع بخور
على رف مشحون ذكريات
البوم صور
حابس سنينها واللي فات
و حنين ولهفة اتقلبت
ف استسلمت رعشة ايديها
من سكات
وف لحظه سال
فيضان عينيها ومال عليها
لما شافت صوره ليها
واقفه صامده ف انتظار
:دنيا عجيبه- رددت
:ذگريااااااااااات
عمر عقلى ماكان ناسيها
انا ابيع حياتى
وأشتريها
والدموع فتحت طريق
باين ما بين خدودها
وبين عينيها
لما شافت ليل غميق
راسم حريق
بيشوه القلب البريء
حست ساعتها انها
مليون غريق
وفجاة وف وسط الصراخ
شافت عينيها طوق نجاه
حست ساعتها بالحياة
ف ايات من الذكر الحكيم
"إن الله مع الصابرين"
فجأه صحيت من منامها
ف بدأ كلامها يترسم
مفتاح ف إيد الصابرين
جاب الفرج لما اتكتب
بحروف نحاس
على وش صندوقها الخشب