• الرئيسية
• الفن

بقلم

ياسمين عبد الرحمن ثابت

إلى ذاك الذي

دايمًا يقولوا

إنه في جرابه الشعر

صباح الكِبْر

عشان عندي يا عم

الشعر ده إحساس

وِنس بيلمّ كل الناس

بدون تجريح

وبيطيب وبيطبطب

يجوز يوصل لحالة

توضّح الإحساس

تمام كتماس يمسّ القلب

وايه هيفيد

اذا كان الكلام موزون ومليان نور

تشوفه تقول فيه رحمة وعدل

مادام إنه ابن عمّ حديت

وجوّه جرابه فيه تلاكيك

بتنهش في المعاني البكر

فيا صاحبي

تقولي إزاي يكون زاهد من الدراويش

لسانه حرير

وبالقافية يرصّ البيت

ويعمل طفرة للمعنى تغذّي الفكر

وفعله نار في قلب هشيم

ده زي ما قالوا في الأمثال

هتسمع قوله هتصدّق

تشوف أمره تقول ده عجيب

وأزيدك بيت وما تلومنيش

إذا ما قولت

حاوي الشعر

معاند فعله معنى القول

يغني لحرف ويهجي سطور

وجاريه بحوره في التزيف

ياموج الشعر امانه

تجيب عاليها واطيه