اللحظة الفاصلة

فى لحظة بتيجى فى حياتك , و مع ناس او احداث كانت لهم كل الاولويه و بتكتشف انك فى اخر اهتماماتهم اللحظة دى بتكون لحظة فاصله بين وهم كنت عايشه و حقيقه لازم تواجهها بين حلم كنت راسمه وحياة لازم تتعامل معاها بين امل كنت عايش عليه و واقع لازم تعيشه اللحظة دى بتاخد فيها قرار بقالك كتير مأجله لازم تاخد خطوة بقالك كتير متردد فيها لازم تقاوم احساس بقالك كتير مستسلم له لازم تفتح عينيك علشان تشوف حقيقه بقالك كتير مغمى عينيك عنها اللحظة دى ممكن تبعدك عن حاجه كنت متمسك بيها ممكن تنهى علاقه مكونتش تتمنى تنهيها ممكن تغير مسار مكونتش حابب تغيره اللحظة دى مش بتكون سهله ولا بسيطه ولا عاديه بالعكس اللحظة دى غالبا قاسيه وموجعه زى التدخل الجراحى .. البتر .. ساعات بيكون هو الحل الوحيد المتبقي لإنقاذ حياه .لحظة صعبه.. بس ضرورية و تجاهلها حيوجعك اكتر و حيتعبك اكتر و حيهينك اكتر خد القرار الصح مهما كنت اجلته او هربت منه او حاولت تتفاداه او ضعفت قدامه مش عيب..انت فى الاول و الاخر بشر و لك مناطق ضعفك مش لازم تتجاهلها ولا تخجل مش عيب انك حبيت واشتريت حد وباعك اديت فرص كتير ومااتحققتش حاولت تنجح و فشلت المهم ان اللحظة اللى تتاكد فيها .. و تستجمع شجاعتك .. و تبقى لازم تاخد قرار اللحظة دى لما تيجى ما ينفعش تأجلها.. مهما كانت النتائج و إلا مش هتلقاها تاني مفيش حد يملك كل حاجه في كل وقت المهم اللحظه الفاصله