• الرئيسية
• مقالات الرأي

إبراهيم حسن مدير منتخب مصر كان ليه تصريحات قوية قالها مع مراسل قناة أون سبورت وهو راكب في الأتوبيس المكشوف إللي كان معمول لبعثة منتخب مصر اللى وصلت النهاردة من أمريكا على مطار العلمين بعد مشاركة تاريخية في كأس العالم.

وقال إبراهيم حسن: بشكر كل الجمهور إللي جه استقبلنا، ده إللي انا كنت متوقعه، وده إللي إحنا كنا شغالين عشانه ونفرح الناس دي، وهما يستاهلوا أحسن من كده بس إللي حصل خارج عن ارادتنا.

وأضاف: بقول لهم متزعلوش مننا إحنا طموحنا كان عالي جدا وأنا عارف إنهم كانوا عايزين أكتر وأكثر.

وتابع إبراهيم حسن: الكورة هي إللي بتخلي الطفل يعرف يعني إيه مصر وبتزرع حب مصر جواه والحمد لله إن ربنا جعلنا سبب إن الأجيال الجاية يبقى عندها ثقة وأمل إن مصر تبقى في المقدمة في كل المجالات.

وكمل: مصر كبيرة وادينا شفنا الجمهور المصري كان عامل إزاي في أمريكا وكندا، الجمهور المصري أحسن وأكبر جمهور جه في تاريخ البطولة دي، كانوا بيجوا من كل حتة وكان منظر رهيب وكمان الناس إللي في مصر كان بيوصل لنا حبهم ومشاعرهم من خلال السوشيال وقلبنا كان بيتقطع لما خسرنا عشان الناس دي وعشان عايزين نفضل مفرحينهم.

وأكد إبراهيم حسن: كلنا شفنا الأخطاء إللي حصلت لما كنا كسبانين 2-0 قصاد الأرجنتين، الناس دي اتكشفت قدام العالم كله، كل الجنسيات وإحنا ماشيين الناس كلها بتحينا وبيعتذروا لينا على إللي حصل وبيقولوا إننا اتظلمنا، إحنا طلعنا بفعل فاعل، والله والله إحنا كنا بنقول للعيبة انسوا إنكم ترجعوا مصر دلوقتي.

وختم: إللي حصل في البطولة دي مجاش من فراغ، حسام كل فرقة كان بيفصصها وبيذاكرها كويس أوي وبيحفظها للعيبة وبيشرح في الملعب وفي التدريب وبالفيديوهات، وحسام تعب أوي والله.