الراحة ف اعتزال_البشر..

كل ما هتقلل احتكاكك بالناس كل ما هترتاح نفسيا أكتر و لا تكون مضايق حد و لا تخلي حد يضايقك.. حب نفسك و قدرها و حاول تنأي بيها عن أي تعامل ممكن يجهدك نفسيا حتي بالشرح و التبرير.. احترم ذاتك و قدسها جدا و عافر لنفسك عشان تكون إنسان سوي كما يجب أن تكون.. فلما هتحب نفسك بجد و تبقي علي يقين أنك كويس و نضيف من جواك هتلاقي نفسك مش محتاج ناس حواليك تحتك بيهم عشان تستني منهم معنويا يحسسوك أنك كويس.. و هتترفع بنفسك عن كل العلاقات السطحية و إنك تدي لحد مساحة في حياتك مهما كانت تافهة.. إحنا بنحتاج لناس في حياتنا عشان تكملها و تدعمها لما بنحس بنواقص فينا.. صحيح محدش فينا كامل طبعا والكمال لله.. بس لما تحب نفسك بتقدير هتلاقي نفسك بتبعد عن كل الناس اللي حواليك تماما عشان لا تشيل من حد ولا تحس انك قللت من نفسك في حاجة ولا جيت علي حد من غير قصد ولا......الخ من تفاهات العلاقات البشرية اللي لازم هتحصل.. لأن عمرك ما هترضي كل اللي حواليك ولا تقنعهم بنفسك 100% -اذا كن البشر اختلفوا علي الانبياء عاوزهم يتفقوا علي انك كويس- ولا عمرك ماهتقتنع بكل الشخصيات اللي عايشه حواليك 100% فبدل ماتنهك نفسك وفرها لأقرب القريبين اللي يهموك فعلا و لنفسك عشان تكون إنسان أفضل لنفسك و بس. و قرب من ربنا أهم من قربك من البشر و هو هيقرب منك الناس اللي تستاهل تكون في حياتك.. بس ماتسيبش نفسك مفتوح لكل من هب و دب يدخل يبعتر في روحك شوية تحت أي مسمي "صداقة.. زمالة..جيرة.. حب.." و يأثر في شخصيتك بالسلب.. و افتكر أنك بشر بتتاثر طبيعي بكل حاجة فابعد عن كل حاجة وارد تأثر فيك.. أصلها مجرد دنيا تافهة و أنت زائر لك فترة محدودة فيها و في حياة كل واحد بتشوفه و تقابله.. فحاول لا تأذي حد و لا تخلي حد يأذيك عن طريق أنك تقلل علاقاتك تماما.. اعتزل الناس أفضل ترتاح قلبا و نفسا و روحا و عقلا.