دينا: رقصت تاني يوم وفاة أبويا وعرضت مسرح مع عادل إمام يوم وفاة جوزي (فيديو)

دينا، قالت الراقصة دينا: "معنديش أي جرح باقي جوايا من ناحية والدي لإنه حبيبي، بحبه لاَخر لحظة ومصدقتش إنه مات وكان صاحبي".

رقص دينا بعد وفاة والدها

وأكدت خلال لقائها ببرنامج "ع المسرح" المذاع على قناة "الحياة": "بابا توفى في مستشفى السلام وتاني يوم وفاته رقصت، وجوزي لما مات بردو عملت مسرح مع الزعيم عادل إمام يوم وفاته، دفنته ورجعت عملت المسرحية".

Advertisements
الرقص قصة حياة دينا

وتابعت الراقصة دينا: "أنا بعرف أفصل ما بين حياتي الشخصية بظروفها وبين شغلي، ولما رقصت تاني يوم وفاة أبويا كان الموضوع عادي، ولما اشتغلت مسرح يوم وفاة جوزي كان الموضوع طبيعي".

وأكملت: "لو أنا اعتذرت عن كل شغلي علشان متضايقة يبقى مش هاشتغل وعلشان كده رقصت واشتغلت مسرح بعد وفاة أبويا وجوزي".

جنون دينا في الرقص

وواصلت: "الحزن مبيتقطعش في يوم ولا 40 يوم الحزن بيفضل في القلب وكل يوم عيد ميلاد بابا باكون حزينة على فراقه، وأحلى رقصة في حياتي لما أكون حزينة أو موجوعة، الرقص هو حياتي تقريبا وبيني وبين نفسي بقول الناس اللى مبترقصش بتعمل ايه ازاي بيطلعوا الطاقة اللي جواهم وهما مبيرقصوش، وعلشان كده الرقص أهم حاجة في حياتي".

قطيعة دينا لوالدها

وأشارت: "حبي للرقص الشرقي اصطدم بعادات وأفكار الصعيد ولكن والدي كان متطور شوية لإنه كان عايش فترة في إيطاليا، ووافق جدا إني أدخل فرقة رضا للرقص الشعبي واتمرنت وأنا عيلة صغيرة عندي 9 سنين، إنما لما بقى عمري 15 سنة بدأ يعترض على رقصي وعلى الرقص الشعبي، وقاطعني سنتين وأنا في أولى وتانية جامعة، وقاطعني مقاطعة تامة".

بداية رقص دينا

وتابعت: "أمي كانت واثقة فيا وعارفة أنا هاعمل إيه وهتصرف إزاي بابا كان خايف عليا، ومرعوب من اللي ممكن يحصل ليا، أنا درست آداب قسم فلسفة، وبدأت الرقص الشرقي وأنا في إجازة ثانوية عامة ودي بداية شغلي وفي أولى جامعة كنت بقيت دينا الراقصة المعروفة".

و